قصيدة بنت غلطانة بالتليفون

قصيدة بنت غلطانة بالتليفون

قصيدة بنت غلطانة بالتليفون -


كلّ البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا خالد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت ياخالد تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
ياخالد ..اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ....وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد


وسلامتكم
ManGoooooooooooool

ماشاء الله صح الســــــانكـ يامديرنا الغالي .........

والقصيدة سبق وان سمعته في الجــــــــــوال وكانت عادية لكن لمت قلتها انت صارت روعـــة .......

تســـلم يمناكـ ..........

ننتظر الجديد والابداع ...........

تحيـــــــــــاتيـ

صح لسان قائلها ولاشلت يمين ناقلها

ااالف شكر لك يااماجد ولاخلا ولاعدم ياغالي

تحيتي لك غلاوي

حلوه الله لا يحرمنا من مواضيعك المشوقة مره مع تحياتي

القصيده الحلوه

تسلم ايديك ياماجد

تقبل مروري

صح لسااانك

القصيده روووعه

مشكوررر مجووودي

قصيده حلللللللللللللللللللو

تسلم مديرنا على النقل وصح لسانك ولسان قايلها


تقبل مروري

رووووووووووووووووووووووووعه


راقتلي بالحيل


تسلم اخوي

يسلمووو أخوي مااجد ع النقل المميز
مشكووووور

بوح قلمكـ الرائع
| يحير قلمي |
فلا استطيع التعبير والرد على كلامتكـ
فـ أتركـ لكـ شكري وتقديري
وأشتاق لجديدكـ الأروع