:¦:][:§ أنتي تبين الصمت بينك وبيني ... طيب (أحبك) كيف تنقال في صمت §:][:¦:
هذه قصيده مختاره اتمنى أن تنال رضاكم وأستحسانكم
دام النصيب اللي علق في جبيني
لزمني الطيب وانا فيه لزمت
فانا على ماكنت ياخابريني
اجي لها راغب ولن عفتها شمت
ارجع ورا خطوه عن الكارهيني
وعشرين خطوه للمحبين قدمت
من قلبي اللي فالهواء مبتليني
اللي تحزم بي وانا به تحزمت
والجادل اللي ما اظنه نسيني
في وعدها من حين ماوافقت قمت
واخذت ورده قاطفتها يميني
لعلها تقبل ملامي اذا لمت
ثم جيت موعدنا وهي تحتريني
وقامت عن الكرسي تسلم وسلمت
قالت يافايز خير قالوا تبيني
وهي تحاكيني وانا فالحكي همت
قالت يا..... قول قلت اعذريني
كل ماشوفك في كلامي تلعثمت
لكن باقول وطالبك تفهميني
وتكفين مابغى احس اني تندمت
قالت وش المطلوب قلت اسمعيني
انا من اللوعات ياما تألمت
صبرت لين الصبر بيّح كنيني
وانتي ظلمتيني وانا ماتظلمت
وانا ومن جور الزمان وسنيني
مني اعلمها ومنها تعلمت
انتي تبين الصمت بينك وبيني
طيب احبك كيف تنقال في صمت !!
قولي احبك كذا صارحيني
او لمحي والعيب لو ماتفهمت
قالت المح قلت هاخلصيني
وتنهدت وتبسمت ثم تبسمت
قالت بلاش اقول طالع فعيني
وطالعت في عينه وسلهم وسلهمت
وحسيت شي يجرني مع يديني
وبغيت اطيح وفي يدينه تلزمت
وكنه يقول العشق فيكم وفيني
مع انه الساكت وانا ماتكلمت
وعرفت مما صار بينه وبيني
ان الشعور احيان ينقااال في صمت
:::
سلامتكم
منقول
|
10-Sep-2007, 01:39 AM
العرض العادي
المواضيع المتشابهه
