قصة ندم

قصة ندم

السلام عليكم ورحمة الله وبركاته

انا جبتلكم قصة واحد من الشباب اجبرني اني انزلها بكل محل يبي كل الناس يعرفون قصته

مابي اطول عليكم

هذا واحد كان يدرس بالجامعه حالته النفسيه تعبانه شوي من درس فيي الجامعه والديون راكبه ظهره ويحب

اهله ومايحب يرفضلهم طلب واللي طرحه في الديون ابوه بس ابوه يبي يسعده بس مو عارف راح واشتراله سياره

بالتقسيط وصار كل شهر يعطيه المكافاه كلها وماياخذ منها شي وترك الجامعه بعد سنه ونص ودرس بالمعهد

الصحي وتوظف في المستشفى وصار عليه حادث بالسياره وباعها وراح اشترى سياره غيرها عشان يداوم عليها

كل يوم لان دخله كبر ماشاء الله وفي الاخير صار ياخذ راتبه ابوه كل شهر حتى صار ينحرج لمن اصحابه يقولوله يالله

نبي نطلع ونتمشى ويتعذر منهم لان مامعه اي شي يملكه وانا اقرب الناس له وصارحني بكل شي ويتاسف لانه

تخلى عننا وماعاد يطلع معنا ومع الايام خطبوله اهله بنت عمه وتملك مع انه كان رافض الزواج منها لانها بالنسبه

له مثل اخته بس مايحب يززعل اهله يقول ازعل انا ولا اهلي يزعلون مني وحاول انه يتقرب منها يقول في شي

يبعدني عنها ماني قادر اتقرب

منها المهم جات عندهم موظفه في المستشفى ماشاء الله تبارك الله عليها من جمال ومن دلال ومن اخلاق وانا

من الناس اللي تكلمت معها وهو اعجب فيها وحاول يتقرب منها وفعلا تعرف عليها وحبها من كل قلبه وهو

الشخص الوحيد اللي كان رافض ذا الطريق بس سبحان الله اللي غيره وكل يوم يزيد حبه لها وهي بعد حبته

والبنت ذي عرفت الشخص ذا على اهله كلهم وماكانت خائفه من اي شي وصار كل يوم يحكيلي عنها وهو

مبسوط ماعمري شفته فرحان مثل هالفرحه وكنت ادعيله من كل قلبي وكانت علاقتهم مافي اي احد يعرف

عنها في المستشفى وهي رافضه انهم يعرفون وهو ماكان عنده اي مانع لجل يبيهم يبعدون عن طريقها

ومحد يفكر فيها وصارت كل حياته وكل وقته واهله صار ماعاد يقعد معهم كل الوقت جالس معها وكانت تزعل منه

لاتفه الاسباب بسبب الغيره الزائده لانها تشوف وحده تكلمه عادي تقوم تزعل عليه زعل وهو عاذرها ويجلس

يفهمها الين ترضى صار يخاف تجي اي وحده وتكلمه وصار يتهرب منهم عشان لاتزعل منه وعطاها كل شي في

حياته اي شي نفسها فيه يجيبه لها والفلوس ياخذها من عندي او من عند خاله او من امه المهم يدبر نفسه بأي

طريقه عشان يخليها مبسوطه وتكون راضيه عليه المهم صارت حالته النفسيه من اردا في اردا لانه تعلق فيها

ويبي يتزوجها وهي كل شوي تهينه بكلامها انت ماتبيني اكون لك يقولها ابيك اليوم قبل بكره وترجع تقوله

ما اشوفك سويت شي تخيلو وش راح سوا

راح واجه اهله وفاتحهم بالموضوع وكبرت الماشاكل بينه وبين اهله وزعلو عليه وانطرد من البيت وغير الاهانات

اللي اخذها من ابوه يعني تخلى وضحى بكل شي عشانها وعشان سود عيونها واللحين هو عندي انا جابره انه

يجلس عندي قال بشرط قلت انت تامر قال ابي كل الناس تعرف قصتي وهم يحكمون قلت ابشر

وتخيلو في الاخير وش اللي صار

كان كل محد يكلمه عنها يحاول يبعده عنها لانه مايقدر يقول لاحد انا احبها لانها حلفته انه محد يعرف قصتهم

ويوم قالها هالكلام قالت انت ماتدافع عني انت مو رجال مثل ما اخذتني تبيهم ياخذوني ماعند غيره وغير الاهانات

اللي اكبر من كذا ماودها اقولها وتركته بكل بساطه ولههم اللحين مايقارب اسبوعين ماكلمو بعض لانه يقول

اهانتني بكلام ماني قادر اتوقعه منها انها تقوله وماني متخيل وهو اللحين ميت قهر يقول اسوي كل هذا

وتتخلى عني بكل بساطه واضحى باهلي واوقف في وجيهم واللي ماعمري قلت مابي لهم تقوم تسوي

فيني كذا

وهذي قصته باختصار اتمنى ماطولت عليكم واللحين هو يبي رايكم وش يسوي

تحياتي لكم

رد: قصة ندم

همس القصيد يعطيك الف عافيه

يشرفني اكون اول وحده ابدي رايي

انا اقول ان كل انسان يغلط والاغلب يصلح غلطه

يعني هذولا اهله لو يبعد ويروح مصيره بيرد لهم ومصيره بيحتاج لهم

يعني يعتذر لاهله وينساها ويتعلم من تجربته

دمت بود

رد: قصة ندم

يسلمووو دافيه على التفاعل مع الموضوع وكونك اول من رد عليه

انا الحيت عليه انه يرجع لهم ويتسامح معهم والحمد لله اقتنع بس مهما تسامح معهم ماراح ترجع الثقه مثل ماكانت

وكل ذا عشان وحده ماتستاهل الله يهديها بس ماودي اتكلم على الناس

رد: قصة ندم

يسلمك ربي

الله يهديها ويهدينا اجمعين

لكن هذولا اهله اكيد بترجع الثقه وممكن احسن من اول خصوصا انه رجع ندمان

رد: قصة ندم

الله يسمع منك واشكرك على تفاعلك مع الموضوع

رد: قصة ندم

همس القصيد الله يعطيك العافيه

تبي رايي بصراحه اممم انه يروح يصلح غلطته

طبعآ هذولاء اهله لان لاصار له شئ لاقدرالله اكيد بيحتاج اهله

رد: قصة ندم

اول شي حبيت اشكرك على صراحتك وانت صريح وهذا شي زين انه يكون بالانسان بس لاتزعل اذ قريت ردي لان هذي الصراحة يمكن كان من المفروض انه ما يقول لاهله انه يحبها لما يلقى الفرصه المناسبه بس اذا فات الفوت ما ينفع الصوت والشي هذا صار ماضي وما نقدر نرد للي راح خله يروح يراضي اهله احسن له لانها ما نفعته