مشكله .. اسمها .. كلام الناس ..

مشكله .. اسمها .. كلام الناس ..

مشكله .. اسمها .. كلام الناس ..
السلام عليكم ورحمة الله وبركاته
اما بعد:
][ مشكله .. اسمها .. كلام الناس ][
النــاس .. وكلامهــم ..
عقدة تدور في أغلب المجـالس .. والمجتمعــات ..
من هم الناس الذين نخاف من كلامهم ..؟!
ولمـاذا وصل بنـا الحال إلى الخوف منهم إلى
هذهـ الدرجــه ..؟!
هل من المعقول أن نضطر لفعل أشيــاء لا نرغبهـا
.. من أجل إرضـاء النـاس ..؟!
العاطل عن العمل يخشى من كلام الناس ..
المطلقه تخشى كلام الناس ..
وكذلك العانس ..
الفقير يخشى الناس وكلامهـم ..
تتعدد الأسباب التي من أجلهــا نخشى من النـاس
وكلامهـم ..!!
ألم نسأل أنفسنــا لماذا هذا الخوف ...؟!
هل هو فعلا ً خوف من كلام النـــاس ..
أو إنه خوف من المظهر الذي سنظهـر به أمام هؤلاء
النـاس .. !
فالكثير منــا يود الظهور بالشكل الذي يحبه ويرغبه ..
لكنه يخشى من ردة فعل النـاس ومن كلامهـم ..
ماذا سيقول النــاس عنه .. ؟؟
وماذا سينظرون إليه مستقبلا ً ..؟؟
وبذلك يخسر طموحـه .. ورغبته في الظهور بالشكل الذي
أرادهـ ..
وذلك كلـه بسبب خوفه من نظرة النــاس وكلامهـم .. .!
الحديث يتشعب .. !!
وأعلم أن لكل شخص منكـم رأي .. ووجهـة نظر حيال هذا الموضوع ..
لن أطيل عليكــم .. وسأترك لكــم المجال .. للحديث ..
ولمنـاقشة هذهـ المســأله

وربي مافي شي قاهرني

قد كلام الناس

ابس اسوي كذا تقول امي وكلام النااس

اقول كلام الناس هذا راح ينفعنا


مدري ليش نخاف من الناس

والله صارنا نخاف من الناس اكثر من خوفنا بربنا

والنتجيه كذا ولا كذا بتكلموا علينا

وزي مايقول


رضاء الناس غايه لاتدرك

يسلموووو قهر

و الله أنا ما فكرت في أحد
اللي براسي أسويه أنا اللي
بجني اللي أسويه و أنا اللي بستفيد
و الناس إذا صار لها نفس الشيء لك راح
تقول مالي في كلام غيري ..وهم يبون كل شيء
على كيفهم...وما يبون أحد يتدخل في امورهم
فضول زايد و حب فرض النفس على الغير ..
لكن متى ما تجاهلناهم راح نعيش بسعادة


قهر ...,
تسلمين على الموضوع و يعطيك العافية ...دمتي بخير
-----------------------

تسلمين على الموضوع ياقهــــــــــــــر


وكلام الناس مايأثر فيني ابد لاني في النهايه اطلع صح والحمدالله ولو احد ياثر فيه كلاك الناس

يسمع اغنيه كلام الناس مابيقدم ولايأخر للفنان........... نسيت اسمه بس هو سوري


تحياتي لكي

انا رايي كلام الناس حكي فاضي والمفروض مايهمنا
واللي بتبع كلام الناس بموت طبعا بعيد الشر
بس هذا رايي

كلآم آلنآآس مأيأثر فينـي .. لآنه آلنآآسـ مآعلييهم آلآ آلظآآهر .. فمآ آعتقد آني

حيآآتــي بتكون بسـ ظآآهريـه ..!!

آنآ عليّ من نفسـي وبـس .. يمكن آلشيء صآر ظآهري بسـ من دآخلج آرتحتي

لآنج سويت هـ آلشـيء .. بسـ آلنآآس يجوفون آلظآآهـر .. ويطلعون آلحجي وآلكلآم

وآلقييل وآلقآآل ..!!

فـ مآ علييج منهـم .. سوي آلشـيء آللي قلبـج مرتآح لــه .. وإذآ آحترتي

آرجـع لآمـج و صلـي إستخآرهـ ..

قهر ....يسلمووو على الطرح المميز والفريد ...


فعلا كثير ناااس يخافون من كلام الناااس ...مع انه لايقدم ولا يؤخر ...


وياما اراء وكلام ناااس يغير من راي الشخص نفسه ...



وانا ارى اللي مايهتم بكلام الناس ولا يخاف منه ...اعتبره واثق بنفسه ..وعنده قوه

شخصيه ...والعكس صحيح ...


مشكوره مجددا قهر ..

تقبلي مروري


عذب المثاااااايل

مرحبا الساع قهر

صدقتي ياختي في اللي اتقولينه

انا ما بقول ان كلام الناس ابد ما يأثر فيي

لا جذا بكون جذبت عليج

انا الصراحه هب الكلام اللي يأثر فيي..بس احب اكون بالمظهر اللي اتسد احلوج الناس عني

واهم شي اللي اسويه ما يغضب رب العباد

يا قهر

ترى والله النا سواء سوينا لهم اللي يحبونه ولا اللي ينقدون عليه وما يحبونه فهم اصلا في كلتا الحالتين يرمسون

فليش تعب القلب و اعوار الراس؟؟

الواحد يسوي بس اللي ضميره يملي عليه

ورمسة الناس والله لا اتودي ولا اتجيب

وترى الناس بس اتحب اتلعلع وترمس على الفاضي

ماشي شغل

خل يستانسون ويتهنون وجهنم مفتوحه لأمثال هالناس

مشكوره حبيبتي قهر على الموضوع الشيق

تقبلي مروري

كلام الناس ........داهيه من دواهي العصر
يمكن لو اقول مايهمني كلام الناس بس احنا عايشين مع ناس تنتقد وتفسر وتحلل وتدخل في ادق خصوصياتك وانت ماتدري...............انا مشكلتي مافكر زي الناس ولاعلي من احد بس الناس هي الي تتدخل في خصوصياتي بدون حق مسبق.....بس اذا قدرت تسوي الي تبي وماعليك من الناس
شاكرة لك موضوعك